Prens cette rose aimable comme toy

Les Amours de Cassandre
XCVI

Prens cette rose aimable comme toy,
Qui sers de rose aux roses les plus belles,
Qui sers de fleur aux fleurs les plus nouvelles,
Dont la senteur me ravist tout de moy.
Prens cette rose et ensemble reçoy
Dedans ton sein mon cœur qui n'a point d'ailes :
Il est constant, et cent playes cruelles
N'ont empesché qu'il ne gardast sa foy.
La rose et moy differons d'une chose :
Un soleil voit naistre et mourir la rose,
Mille Soleils ont veu naistre m'amour,
Dont l'action jamais ne se repose.
Que pleust à Dieu que telle amour, enclose,
Comme une fleur, ne m'eust duré qu'un jour.
Pierre de Ronsard [wiki], 1552




Et un petit bisou pour finir...