Vous m’aviez dict que vous m’aymiés bien fort

Vous m’aviez dict que vous m’aymiés bien fort,
Bien fort, bien fort, et ainsy je l’ay creu,
Mais tost après vous feistes vostre effort
D’en dire autant en un lieu que j’ay veu :
Bien fort, bien fort, vous l’aymés, je l’ay sceu.
Il vous fault trop de forces pour deux lieux
Si fort aymer, mais prenez pour le mieulx
Ungs bons ciseaulx couppent nostre amictié,
Et retenez l’aultre, qui a voz yeulx,
Forces et cœur : tant de double et gracieux
Satisfera trop bien de la moytié.

Marguerite de Navarre